أستغاثة سكان برج سراى القبة الى محافظ القاهرة

كتب : محمد يوسف
سيادة محافظ القاهرة
تحية طيبة بعد السلام عليكم ورحمة الله
{استغاثة }
نحن سكان العقار 122 تقسيم الرقابة الادارية
شارع المخابرات امام سور قصر القبة جانب المرور
نستغيث بسيادتكم
بالعقارالمجاور لنا تم فتح قهوة اخرى واصبح بعقار واحد قهوتين
(( قهوة القصر وقهوة المشرابية)) متلاصقين بدون تراخيص وجمبه ب20متر قهوة ليالى
وخلفها ب50متر قهوة طرابيش والناحية الاخرى الشيخ غراب 50متر قهوة ابو امين وجمبها قهوة امريكانا (6 قهاوى فى مساحة 500متر)
مش عارفين من بعد المغرب يومياً ندخل او نخرج من بيوتنا لان قهوة القصر والمشرابية احتلوا الشارع كله والرصيف وتحت الرصيف ومدخل عمارتنا مكان لرص المخدرات علاوة المزيكا الصاخبة 24ساعة متواصلة
ده غيرالمشاجرات يوميا والازعاج والدخان والشيشة والمخدرات ومعاكسة
نسائنا وزوجتنا واطلاق سلاح شبه يوميا وبلطجية وتهديد حياتنا وحياة عائلاتنا
نرجوا من سياتكم اتخاذ اللازم حيالهم وغلقهم
من فضلكم الحى بيجوا ياخدوا 5 او6 كراسى وطرابيزة وتانى يوم بيرجعوا تانى ثما يجي البلدوزر يكسر اليافطه وخلال 48ساعة تتعمل من جديد ثما يجى الحى يغلق بالشمع وبعد72ساعة يشيلوا الشمع ويفتحوا بمعنى قمة التحدى للحكومة ولتعليمات سيادة المحافظ وهى (من حق المواطنين رصيف يمشوا عليه )